U desh një muaj në nivelet maksimale për të bërë që Romelu Lukaku dhe kritikët e tij të harronin çdo dyshim që qëndronte rreth belgut. Sulmuesi belg ka detyrën të flakë tutje fantazmën e Mauro Icardit që vijon të endet nëpër “San Siro”.
Pas një starti jo shumë entuziazmues, kushtëzuar edhe nga një gjëndje jo e mirë fizike, Lukaku po bën për vete ambientin zikaltër dhe tifozët e Inter falë golave të realizuar.
Sikurse bën me dije faqja e statistikave “Opta”, në fakt ish-sulmuesi i Manchester United është futbollisti më vendimtar në të gjithë kampionatin Italian të Seria A. Plot 11 janë pikët që Lukaku i ka dhuruar Interit. Një start fantastik sezoni për këdo që ka zanatin e sulmuesit.