Ralf Ragnick do të vijë me ide të reja në drejtimin e Milanit. Gjermani do të marrë drejtimin e klubit italian si trajner dhe drejtor sportiv. Zyrtari i ardhshëm do të bëjë një rivlerësim dhe të grupit aktual.
Gazzetta dello Sport shkruan se njeriu që pritet të marrë në verë drejtimin e Milanit do që Hakan Calhanoglu të mbetet në Milano. Ai dëshiron që ish-lojtarin e Bayer Leverkusenit ta bëjë lider të skuadrës së tij.
26-vjeçari pritej të largohej nga skuadra e Milanit, pasi nuk ishte i kënaqur me rolin e tij. Maldini nga krahu tjetër nuk ishte aspak i kënaqur me turkun dhe nuk e donte më në skuadër. Situatat do të ndryshojnë krejtësisht me ardhjen e trajnerit gjerman.