Manchester United ka mbrojtësin më të shtrenjtë të historisë në përbërje, por përsëri nuk bind. Harry Maguire ka patur një formë të dobët, ashtu si Lindelof dhe drejtuesit kanë hedhur sytë nga merkatoja, konkretisht në Itali.

“Red Devils” pëlqejnë shumë Nikola Milenkovic, me të cilin kanë nisur së fundmi edhe bisedimet. Drejtuesit anglezë kërkojnë që fillimisht të bindin agjentin e mbrotjësit dhe më pas të flasin me Fiorentinën.

Siç thuhet në mediat angleze, në rast se bisedimet me agjentin e Milenkovic shkojnë siç duhet, Manchester United ka përgatitur një ofertë prej 43 milionë eurosh për të bindur Fiorentinën. Milenkovic ka spikatur prej kohësh në Serie A, ku është edhe një ndër mbrojtësit më të kërkuar në merkato.