Sipas anglezes Daily Mirror, Manchester United ka hyrë në garën për shërbimet e Adrien Rabiot.
Mesfushori francez është një nga lojtarët më të kërkuar të Europës, teksa kontrata e tij me Paris Saint-Germain skadon në fund të sezonit.
Juventus është përfolur për interesin që ka për lojtarin pasi ai do të ishte shumë i përshtatshëm për skemat e Allegri-t.
Gjithashtu, bardhezinjtë kanë një reputacion për afrimin e lojtarëve me parametra zero, si me Ramsey që do t’i bashkohet nga Arsenal, apo Emre Can një sezon më parë.
Situatën e tij po e vëzhgojnë edhe Real Madrid dhe Barcelona, por nuk janë të bindur 100% për shkak të temperamentit të tij.
Për Man United do të jetë shumë e vështirë që ta bindë të transferohet në Old Trafford duke parë se nuk do të luajë në Champions League sezonin e ardhshëm.
