“Mbappe më i forti?”, Zamorano zgjedh tre më të mirët: Bashkë me…

25 Shkurt 2024
17:59
Denis Hakanaj
back button

Ivan Zamorano ka folur për Kylian Mbappe. Ylli i Paris Saint-Germain, i cili sot mban ende shiritin e kapitenit të skuadrës, është gjithnjë e më pranë Real Madridit të Carlo Ancelottit, të cilët tashmë e kanë bllokuar atë për verën e ardhshme.

Ish-sulmuesi i Interit, gjatë një interviste për AS, ka folur për kalimin e mundshëm të ish-yllit të Monacos te Los Blancos.

Ivan Zamorano, ish-lojtari i Interit mes shumë të tjerëve, pati fatin të luajë për Real Madridin. Vështirë se mund të harrohet një negociatë e tillë:

“Më thanë se isha lojtar i ri i Real Madridit, por nuk dija çfarë të them, isha nervoz. Thjesht i thashë menaxherit tim të më telefononte më vonë… Ai më tha: ‘A je idiot’. Dhe e mbylla telefonatën, sepse isha në dasmën e motrës sime”.

Sot të gjithë po flasin për transferimin e mundshëm të Kylian Mbappe te Real Madrid:

“Shpresoj që të bëhet realitet”, ka përsëritur Zamorano. “Kanë kaluar shumë vite me këtë serial, por duket se këtë herë shpresa dhe besimi i miliona tifozëve të Real Madridit që duan ta shohin atë në Madrid mund të kënaqet.

“Futbollistët nga e gjithë bota duan të luajnë për Real Madridin. Florentino Pérez na ka mësuar me goditje të tilla dhe unë do të isha shumë i lumtur me ardhjen e tij, nëse në fund ndodh, siç duket”.

Mbappe më i miri në botë? Zamorano mendon kështu: “Ndoshta. Mes 3 të parëve, me siguri absolute. Është shumë e vështirë të gjesh një tjetër me cilësitë e tij. Një tjetër që është në atë podium është Vinicius, i cili do të jetë partneri i tij.

“Ata do të formojnë një çift vdekjeprurës. Vendi tjetër mund të jetë për Haaland ose edhe për Bellingham, i cili është i mrekullueshëm. Në çdo rast, gjëja më e rëndësishme është të ndihet i lumtur dhe në këtë mënyrë performanca e tij do të jetë më e mirë”.

Lajme të tjera

Lajmet e fundit