E ardhmja e Kylian Mbappe është te Real Madrid? Sigurisht këtë e shpreson tifozi që e ka pyetur kampionin francez nëse do ta veshë fanellën e Los Blancos.
Në videon që është bërë virale në Tik Tok, pyetjes së tifozit Mbappe i është përgjigjur me një gjest të qartë: gishtin e madh lart në shenjë pohimi.
Kaq ka mjaftuar që tifozët e Real Madrid të çmenden në rrjetet socile dhe të ëndërrojnë për një transferim të mundshëm të francezit në Madrid.
24-vjeçari ka shkëlqyer në Kupën e Botës të luajtur në Katar, ku është shpallur edhe golashënuesi më i mirë i Botërorit. Paraqitja e tij në finalen e humbur kundër Argjentinës do të mbahet mend për një kohë të gjatë.
Sulmuesi po shkëlqen edhe me Paris Saint-Germain, siç tregojnë edhe 22 golat e shënuar në 28 ndeshje të luajtura në të gjitha kompeticionet me klubin francez.
🗣️ Supporter : " Reviens a Madrid "
Kylian Mbappé: 👍 pic.twitter.com/v8ZLIRZM8B
— KYKY (@aws_gms) January 18, 2023