Në orët e fundit janë publikuar listat e lojtarëve të thirrur për Botërorin e Katarit nga finalistët e këtij kompeticioni. Këtu nuk bën përjashtim as Gjermania. Trajneri Flick bëri zgjedhjet e tij, ku bien në sy edhe disa të munguar. Mes tyre, përveç Gosens, spikat mbrojtësi i Borussia Dortmund, Mats Hummels.
Vetë qendërmbrojtësi e komentoi përjashtimin nga “Katar 202” në rrjetet sociale, duke marrë mesazhe të shumta mbështetjeje, edhe nga vetë klubi verdhezi. “Ky është një nga zhgënjimet më të mëdha të karrierës sime, – ka shkruar Hummels në Instagram. – Do të kryqëzoj gishtat për Gjermaninë në Kupën e Botës dhe do të përgjigjem gjatë kësaj periudhe me punë, siç bëj gjithmonë”.
Një koment që na bën të kuptojmë sesi mbrojtësi gjerman e mori me shumë hidhërim zgjedhjen teknike të Flick. Nga ana tjetër, të shumta kanë qenë mesazhet e dashurisë të marra pas postimit të tij. Disa edhe nga kanalet zyrtare sociale të vetë Borussia Dortmundit, të cilët i dërguan zemra (emoji), por gjithashtu shkruan: “Ti e ke merituar thirrjen”.
View this post on Instagram
