Me 24 prill 2012, penalltia u bë armiku numër një i Sergio Ramos. Që nga ajo kohë, qendërmbrojtësi spanjoll është shndërruar në mjeshtër të këtij specialiteti. Ajo datë specifike, penalltia e humbur ishte me përgjegjësi maksimale, sepse ndodhte ndaj Bayern Munich, në Ligën e Kampionëve. Veç tij gabuan nga pika e bardhë edhe Cristiano Ronaldo e Kaka, duke u eliminuar në gjysmëfinalen e këtij kompeticioni. Asokohe, trajner i të bardhëve ishte Jose Mourinho. Që atë ditë, Ramos ka goditur penallti plot 15 herë, duke e dërguar topin në rrjetë në 14 raste.

Penalltitë e Ramos me Real Madridin

Burimi: Transfermarkt

Është interesant se gabimi i vetëm nga pika e bardhë erdhi në një humbje ndaj Sevilla së tij (3-2). Në atë kohë filloi një seri penalltish të suksesshme, që është akoma e vlefshme edhe sot. Me finalizimin e saktë kundër Galatasaray, të mërkurën, tashmë janë 11 penallti të suksesshme radhazi me skuadrën e bardhë. Ky numër rritet në 15 penallti pa dështuar, nëse shtojmë edhe ato me kombëtaren spanjolle.

Me “La Roja” nuk pati një fillim të ëndërruar, pasi do të dështonte në dy penalltitë e para: kundër Brazilit, në vitin 2013, dhe kundër Kroacisë në “Euro 2016”. Që atje, asnjërën nga 6 penalltitë e goditura me kombëtaren nuk e ka dështuar.

Penalltitë e Ramos me Spanjën

Fuente: Transfermarkt

Pas largimit të CR7, kapiteni i bardhë ka fituar peshë në goditjen e penalltive te Real Madridi. Askush nuk ka debatuar që prej asaj kohe, se kush duhet ta marrë topin në dorë, kur gjyqtari tregon pikën e bardhë. Më parë kishte regjistruar 5 penallti (4 të konvertuara në gol) në 13 vite. Që nga korriku 2018 (pas largimit të portugezit), Ramos ka ekzekutuar 10 penallti të sakta.