McGregor sherr në “tapetin e kuq” me reperin Machine Gun Kelly (video)

13 Shtator 2021
13:27
Gentian Spiri

Nuk kanë të ndalur momentet e sherrit për ikonën e arteve marciale mikse Conor McGregor. Më i fundit të dielën në mbrëmje, në eventin MTV Music Awards të zhvilluar në Brooklyn (Nju Jork).

Këtë herë, “viktimë” e irlandezit ishte reperi Machine Gun Kelly, i dashuri i Megan Fox. Sipas TMZ, sherri nisi për një foto. Ka qenë McGregor ai që i ka kërkuar reperit të dilnin së bashku në foto, por ai refuzoi.

Madje reperi ka shtuar edhe disa komente aspak të këndshme. “The Notorius”, i befasuar nga këto deklarata, ia ka derdhur pijen që mbante dhe më pas ka reaguar fizikisht. Irlandezi nuk e ka prekur reperin Kelly, pasi u ndal nga 3 truproja.

Gjithsesi, incidenti është filmuar nga të pranishmit. “Nuk ndodhi asgjë, pasi as që e njoh atë person. Unë përballem vetëm me luftëtarë të vërtetë dhe jo me një “akullore” të vogël. Di vetëm që ai rri me Megan Fox”, tha McGregor.

Lajme të tjera

Lajmet e fundit