Braziliani Charles Oliveira u shpall kampion bote në peshën e lehtë në artet marciale mikse, pas fitores me “KO teknik” në raundin e dytë ndaj amerikanit Michael Chandler, duel që u zhvillua në eventin UFC-262. Oliveira mori titullin e lënë vakant pak muaj më parë nga rusi Khabib Nurmagomedov, i tërhequr nga kafazi.
Pak orë pasi u shpall kampion bote, ka reaguar në rrjetet sociale irlandezi Conor McGregor. Përmes një postimi ai ka thumbuar brazilianin: “Përgëzoj Oliveira për titullin dhe faktin se është kampioni i 11-të i botës në peshën e lehtë. Pyes veten kush do të jetë i 12-ti…”.
Irlandezi përgatitet për duelin ndaj Dustin Poirier, sfidë që do të zhvillohet më 10 korrik. Pikërisht këtë gjë i kërkon Oliveira, që replikon: “Conor, shqetësohu për duelin ndaj Dustin. Pasi ta mposhtësh atë eja në Brazil dhe jam gati të të zhdëp me dru bythëve”.
Congrats to Olivera on becoming the 11th UFC lightweight champion.
Wonder who Twelve is…— Conor McGregor (@TheNotoriousMMA) May 16, 2021