Probleme të reja për Mauro Icardi-n dhe Wanda Nara. Mes thashethemeve për divorc dhe mosmarrëveshjeve me Paris Saint-Germain, çifti tani duhet të merret me betejën ligjore kundër Carmen, ish-shërbyeses së tyre.
Gruaja që lëshoi së fundmi një audio ku Nara i referohet një ndarjeje të caktuar nga sulmuesi. Pikërisht Wanda njoftoi përmes Instagramit se kishte denoncuar ish-bashkëpunëtoren e saj për të gjitha falsitetet e raportuara për familjen e saj në programe të ndryshme argjentinase.
Carmen, e cila deri vonë jetonte në shtëpinë e Mauritos në Itali, nuk qëndroi duarkryq dhe vendosi të pretendonte arsyet e saj në gjykatë.
Avokati i saj sulmoi publikisht Icardin dhe Wanda, të cilët dyshohet se e kanë fyer dhe keqtrajtuar klienten e tij, “duke e kthyer atë praktikisht në skllave”.
Icardi-Wanda dhe beteja me Carmen
“Ne po përballemi me një rast të skllavërisë”, tha troç në programin Mañanísima, Alejandro Cipolla, avokati i Carmen.
“I dhanë dokumente false, i kërkuan të thoshte se ishte refugjate, nuk e lanë kurrë të dilte vetëm, e detyruan të flinte në dysheme afër lavatriçes. Ajo hante ushqim të skaduar. Icardi i bërtiste gjatë gjithë kohës Kemi prova, foto, biseda”.
Dhe pastaj përsëri: “Sa herë që Carmen ankohej për diçka, i merrnin telefonin, sikur të ishte fëmijë. Para se të largohej nga Italia, bagazhi i saj kontrollohej me dhunë.
“I kontrolluan edhe këpucët dhe i thanë: ‘Të shohim nëse ke vjedhur ndonjë gjë’. Edhe Nora, nëna e Wandas, ishte shumë agresive ndaj saj”.
Protesta e bashkëpunëtorëve uruguaianë
Rrëfimi i Carmen ndezi punëtorët shtëpiak nga Uruguai, atdheu i ish-punonjëses së Icardi dhe Wanda.
Madje në një letër të hapur drejtuar Presidentit të vendit, një shoqatë në mbështetje të punëtoreve ka kërkuar që Naras të mos i jepet më mundësia të shkelë në Montevideo. Për momentin nuk ka asnjë përgjigje nga ish-lojtari i Interit dhe gruaja menaxhere e tij.
Megjithatë, në të kaluarën, sipërmarrësja argjentinase ka siguruar se e trajtonte Carmenin “si një njeri të familjes: ne kujdeseshim për të gjitha shpenzimet e saj. Çdo muaj ajo kishte një kartë krediti me 600 euro të gjitha për të”.
