I vetmi peng i Lionel Messit në karrierën e tij të mbushur me suksese, rekorde dhe trofe, është padyshim një sukses me Argjentinën, që nuk ka mundur ta arrijë deri më tani. Gjithmonë ka pasur polemika, ku shpesh ylli i Barçës është akuzuar se te katalanasit vlerat e tij rriten nga ekipi.
Lidhur me këto zëra ka folur së fundmi edhe trajneri i Argjentinës, Lionel Scaloni, i cili është shprehur hapur që Messi është i njëjtë, si te Barcelona si tek Argjentina.
“Messin e shoh mirë. Në ndeshjen e fundit ndaj Betis ishte më i miri në fushë edhe pse nuk shënoi gol. Dhuroi tre asist dhe ishte gjithnjë i rrezikshëm. E shoh që është komod njësoj, si te Kombëtarja si te Barcelona. Fiksimi i Messit për të fituar me Argjentinën? Nuk ka të bëjë me fiksimin. Të gjithë duan të fitojnë, sidomos me Kombëtaret. Si Messi, edhe ne të gjithë duam të fitojmë.”