Messi nuk e votoi, Lewandowski: Ja çfarë dua t’i them Leos

19 Janar 2022
15:49
Denis Hakanaj

Robert Lewandowski është votuar si lojtari më i mirë i vitit të kaluar në FIFA The Best. Një triumf i bukur para rivalëve Lionel Messi dhe Mohamed Salah.

Megjithatë, zgjedhjet e kolegëve të tij kanë shkaktuar shumë debate dhe në veçanti ato të argjentinasit, i cili nuk ka votuar për Lewa-n, por për Neymar, Mbappe dhe Benzema.

Ylli i Bayern e ka komentuar zgjedhjen e Messi-t për Bild.

“Pse Messi ka votuar në këtë mënyrë dhe nëse jam i zemëruar me të pas fjalimit në Topin e Artë? Kjo pyetje i duhet bërë atij. Personalisht nuk kam bërë asgjë të keqe që ai të jetë i zemëruar me mua. Në nivel sportiv është ndryshe, por më nivel personal nuk ka arsye të jetë i zemëruar me mua”, ka thënë Lewa.

“Ky ka qenë vendimi i tij, e respektoj. Edhe pse nuk më ka zgjedhur mua, nuk kam asgjë të keqe për të thënë ndaj tij dhe asnjë arsye për t’u zemëruar”.

Lajme të tjera

Lajmet e fundit