Messi zbulon sherrin me ish-trajnerin te Barça, pastaj i kërkoi të mos largohej: Të gjithë kopjojnë Guardiolën

14 Nëntor 2022
10:31
Alfred Lleshi

Leo Messi është protagonisti i madh i intervistës që Jorge Valdano transmeton sonte në “Vamos”, javën në të cilën fillon Botërori i Katarit. Ylli i madh i kombëtares argjentinase flet në “Universo Valdano” me ish-kampionin e botës me Albiceleste në vitin 1986. Një bisedë që gjeneron pritshmëri të madhe për të mbërritur përpara një mundësie të re për ish-lojtarin e Barcelonës, që të kurorëzohet me kombëtaren e tij.

Përtej këtij objektivi, Messi rishikon me Valdanon disa episode të karrierës së tij tashmë të avancuar, ndër to edhe marrëdhënien me Luis Enrique, trajner aktual të kombëtares spanjolle, kur të dy përkonin te Barça dhe që, ndër arritjet e tjera, fituan tripletën më 2015 pas tejkalimit të disa vështirësive.

“Kisha një marrëdhënie spektakolare me të, i thamë të qëndronte, – tha Messi, i cili pranoi se deri në atë moment kishin një debat përpara vizitës së famshme të Barçës në fushën e Real Sociedad, në ndeshjen e parë të vitit 2015. – U ktheva nga Argjentina pas pushimeve dhe luajtëm më 2 ose 3 janar, nuk më kujtohet saktësisht.

Përfundova në pankinë dhe patëm një debat që zgjati pak, por më pas kishim një marrëdhënie spektakolare deri në ditën e fundit, kur ai vendosi të largohej. Ne i thamë të rrinte, mos të ikte se ishim mirë”.

Aludimi për Luis Enrique është një tjetër nga deklaratat interesante që lojtari aktual i PSG-së bën për trajnerët e tij të mëdhenj te Barça. Guardiola bëri aq mirë te Barça për Messin, saqë argjentinasi tha me shaka:

“Ai i bëri shumë dëm futbollit, sepse ajo që bëmë dukej kaq e thjeshtë sa të gjithë donin ta kopjonin. Pas asaj faze kam gjetur shumë Guardiolën atje dhe më pas e kuptoni se çfarë bëmë”.

Messi nxjerr në pah frymëzimin e Guardiolës si lexues i lojës: “Pa dyshim, Pep ka diçka të veçantë për t’u përgatitur për ndeshjet, për t’i lexuar ato, për t’i përgatitur dhe për të komunikuar”.

Lajme të tjera

Lajmet e fundit