Pas Mercedes është radha e McLaren. Piloti i ri gjerman Mick Schumacher, që më herët këtë vit kishte firmosur si pilot rezervë i Mercedes, sot do të mbulojë edhe detyrën e pilotit rezervë te McLaren. Lajmin e konfirmoi makina britanike përmes një postimi në rrjetet sociale.
McLaren will be able to call on @SchumacherMick as a reserve driver during the 2023 F1 season as part of our arrangement with Mercedes. Welcome to the family, Mick. 👊🧡 pic.twitter.com/DNiJ5s99rQ
— McLaren (@McLarenF1) February 1, 2023
Mick do ta ndajë këtë detyrë mes dy skuadrave, duke qenë se McLaren përdor motorin e Mercedes, duke dhënë një ndihmë të madhe me informacione për të dyja këto makina. Pak ditë më parë, Schumacher ka provuar sediljen te makina Mercedes, duke ndjekur gjurmët e babait të tij.
“Formula 1 është një sport mjaft magjeps dhe gjithnjë ka diçka të re për të mësuar. Mezi pres të jap maksimumin tim për të ndihmuar Mercedes”, tha Mick Schumacher, që e konsideron këtë si një vit tranzicioni. Ai synon të rikthehet vitin tjetër si pilot zyrtar, pas dy sezoneve jo fort të mira me Haas.
.@SchumacherMick's first Merc seat fit. ✅ pic.twitter.com/8Ze8nApFrr
— Mercedes-AMG PETRONAS F1 Team (@MercedesAMGF1) January 31, 2023
