Alex Nuccetelli, mik i ish-çiftit Totti-Blasi, por mbi të gjitha i “Pupone”, vazhdon të zbulojë detaje për përfundimin e martesës mes ish-flamurit të Romës dhe showgirl-it: “Që Ilary nuk e ndjente më dashurinë ishte mjaft evidente. Një shembull: në muajt e parë Francesco më tha se po kthehej nga Milano dhe gjithmonë thoshte se kishte dhimbje koke. Nuk e di se si ia dolën të vazhdonin edhe për 20 vite të tjera”.

Më pas Nuccetelli shpjegon: “Nëse kthehesh në shtëpi dhe gruaja jote ka gjithmonë një djall në kokën e saj, për vite me radhë, e konsideroj legjitime të mendojë për të filluar një jetë të re diku tjetër. Pastaj secili shkon në jetën e tij dhe e bën atë për të mirën e fëmijëve të tyre”.

Ai duket i shqetësuar edhe për mikun e tij Francesco: “Është një fazë e komplikuar, nuk është një moment i mirë. Ndarja e tyre duket si një tragjedi. Ka fërkime. Avokatët do të duhet të bëjnë pjesën e tyre dhe ata vetë duhet të përpiqen të marrin situatën në dorë. Po të varej nga Francesko, kjo histori nuk do të kishte përfunduar. Mund të kishte edhe ndonjë arratisje, por zemra e tij do t’i kishte qëndruar besnike gjithmonë dhe vetëm familjes”.