Milan heq dorë nga Brahim Diaz, zëvendësuesi vjen nga Anglia

19 Maj 2022
19:19
Denis Hakanaj

Milan-i do të ketë mbetur sigurisht i zhgënjyer nga Brahim Diaz, i cili nuk ka qenë në lartësinë e duhur pas një fillimi shumë të mirë të sezonit.

Maldini dhe Massara kanë nisur punën për të gjetur një fantazist të ri, duke marrë parasysh edhe largimin e Franck Kessie te Barcelona në verë.

Për të zëvendësuar 22-vjeçarin spanjoll, i cili qëndroi verën e kaluar në Milano me formulën e huazimit dyvjeçar (Real Madrid, pronar i kartonit, duket se e do gjithashtu), kuqezinjtë mund të peshkojnë në Angli.

Sipas The Athletic, Milan interesohet për Morgan Gibbs-White, fantazist në pronësi të Wolves, i huazuar në këtë sezon te Sheffield United, që nuk ka arritur të ngjitet në Premier League, pasi është eliminuar në gjysmëfinalet e playoff-it.

Me kontratën që i skadon në 2024-ën, anglo-xhamajkani nuk do të kalojë një tjetër sezon i huazuar. Nëse Wolves nuk do të duan ta mbajnë në ekip, 22-vjecari do të kërkonte të shitej.

Pengesat e mundshme për kuqezinjtë janë statusi i tij si jo komunitar dhe konkurrenca e madhe pas sezonit të mirë me 13 gola dhe 10 asiste. Çmimi, nga ana tjetër, nuk do të ishte një pengesë duke parë se mund të mjaftojnë 11 milionë euro.

Lajme të tjera

Lajmet e fundit