Mjeku legjendar i Bayernit ankohet për Guardiolën: Periudha ime më e errët ishte me të, ja përse

16 Nëntor 2022
8:30
Alfred Lleshi

Nuk mund t’iu pëlqesh të gjithëve, edhe nëse je fitues si Pep Guardiola. Katalanasi ka lënë trofe në vitrinat e të gjitha klubeve që ka drejtuar, por për sa iu përket kujtimeve të mira jo gjithmonë ka arritur ta përfundojë punën. Shumë nga ish-lojtarët e tij e adhurojnë, të tjerë (si Ibrahimovic) kanë pasur të paktën një marrëdhënie konfliktuale me të.

Duke parë skuadrat që ka drejtuar, dalin disa disidentë kundër tij. Një nga të fundit që foli për trajnerin aktual të Manchester City ishte Hans-Wilhelm Müller-Wohlfahrt. Një emër që nuk flet shumë, por është mjeku legjendar i Bayern Munich, i cili e kaloi karrierën në klubin bavarez. Derisa mbërriti Guardiola.

Gjë që, siç shpjegoi Müller-Wohlfahrt për BR24, do të thoshte se u largua përkohësisht nga Bayerni, për t’u kthyer më pas me mikun e tij të madh Jup Heynckes. Deklaratat, ato të mjekut gjerman, të cilat përshkruajnë se sa shumë katalanasi dëshiron të thotë fjalën e tij edhe për sa iu përket gjërave shëndetësore të klubit.

Müller-Wohlfahrt e përshkruan bashkëjetesën me Guardiolën si “momentin më të errët” të karrierës së tij: “Nuk mund ta duroja faktin që një trajner i ri, i cili ka qenë shumë i suksesshëm dhe që ndoshta është një nga më të mëdhenjtë e të gjitha kohërave, ndërhyri në çështjet mjekësore dhe bënte sikur dinte gjithçka më mirë se unë”.

Me pak fjalë, një Pep … shumë me përvojë edhe për mjekun legjendar bavarez. Megjithatë, ai pati mundësinë të diskutonte me shumë nga paraardhësit e Guardiolës, duke përfshirë edhe disa të njohur të vjetër të futbollit italian. Edhe në kohën e Klinsmann, mjeku Müller-Wohlfahrt, i cili ka qenë te Bayerni që nga viti 1977, ishte larguar duke përplasur derën, vetëm për t’u kthyer pasi ish-qendërsulmuesi i Interit dhe Sampdorias ishte shkarkuar.

Edhe marrëdhëniet me Trapattonin ishin në nivelin më të ulët të të gjitha kohërave, sepse italiani nuk e kuptoi pse mjeku vendosi “t’u suvatonte” këmbët lojtarëve edhe për dëmtime të vogla dhe të mesme.

Lajme të tjera

Lajmet e fundit