Federico Dimarco po kalon një moment special këto ditë.
Mbrojtësi i majtë, i cili ka qenë protagonist i një fillimi sezoni shumë të mirë, duket se i ka bindur të gjithë te zikaltrit, duke u konfirmuar një armë më shumë në të gjitha aspektet, duke parë se mund të mbulojë disa pozicione në fushë.
Për këtë arsye, Simone Inzaghi pritet t’i besojë fanellën e titullarit mbrëmjen e sotme kundër Venezia-s në vend të Perisic, me rinovimin e kontratës që, sicc ka zbuluar Gazzetta dello Sport, është tashmë një fromalitet: firma mund të vijë pas pak ditësh.