Monaco ka marrë një sukses të rëndësishëm kundër Paris Saint-Germain në Ligue 1. Meritë e një përmbysje të çmendur.
Sekreti? Motivimi i trajnerit Niko Kovac në dhomat e zhveshjes që ka shtyrë lojtarët të përmbysin sfidën dhe të fitojnë 3-2.
Siç ka bërë të ditur L’Equipe, trajneri ka thënë: “Pas pjesës së parë u kam thënë lojtarëve se kishin luajtur keq dhe se nuk ishim Monaco që unë doja të shihja”.
“Kam thënë se gjithçka është e mundur, se mund ta mposhtnim PSG-në nëse do të luanim si ekip. Jam shumë i kënaqur për reagimin e skuadrës. Në pjesën e parë kemi patur frikë dhe ka qenë e qartë. Por nëse luan me shpejtësi, me një prekje, fillon të kesh besim te vetja”.
