Moto GP anulon tre gara të tjera, por në nëntor do të ketë një surprizë

31 Korrik 2020
16:05
Denis Hakanaj
back button

Kalendari i Moto GP 2020 vazhdon të modifikohet për shkak të emergjencës coronavirus.

Federata ndërkombëtare dhe Dorna kanë lajmëruar anulimin e Çmimeve të Mëdha të Argjentinës, Tajlandës dhe Malajzisë, të shtyra në fillim me shpresë për t’i rikuperuar më vonë.

Situata shëndetësore e vendeve e bën të pamundur zhvillimin garave dhe organizatorët kanë vendosur t’i anulojnë. Megjithatë, ka ardhur edhe një lajmërim i rëndësishëm.

Kalendari i Moto GP, në fakt, do të pasurohet me një garë të re surprizë që do të zhvillohet në fund të sezonit, pas Çmimit të Madh të Valencias, mes 20 dhe 22 nëntorit, duke u bërë gara e fundit e sezonit.

Zgjedhja e vendit do të lajmërohet 10 gushtin e ardhshëm.

Lajme të tjera

Lajmet e fundit