“Tani mos më pyesni më pse nuk luajnë”.
Këto kanë qenë fjalët e Jose Mourinho-s pas humbjes 6-1 të pësuar në Conference League të enjten në mbrëmje në Norvegji kundër Bodo/Glimt.
Deklarata që Mourinho nuk i ka për herë të parë.
Ka qenë marsi i 2009-ës, kur portugezi, në drejtim të Inter-it në atë kohë, ka thënë pas humbjes 3-0 kundër Sampdoria-s në Kupën e Italisë.
“Tani është më e qartë për të gjithë pse lojtarë të caktuar nuk luajnë kurrë dhe zgjedh gjithmonë të njëjtët. Është faji i të gjithëve, por disa amnezi të caktuara nuk janë të pranueshme”.
Një kthim në të kaluarën për Mourinho, i cili kërkon gjithmonë perfeksionin ose të paktën që të ketë lojtarë cilësorë edhe në stol.
Ai Inter ka fituar kampionatin atë vit dhe Triplete-n vitin pasues: shpresa e tifozëve është që edhe këtë herë trajneri të mund të fitojë trofe pas shfryrjes ndaj stolit.