Kur në krye të stolit ke një si Jose Mourinho gjithmonë mund të presësh surpriza! Trajneri portugez po mendon për merkaton dhe ka hedhur sytë tek ish-ekipi i tij i Chelseas. Portugezi po mendon një hakmarrje të ëmbël ndaj bluve të Londrës.
Willian kaloi nga Anzhi te Chelsea, por pas tij ishin dhe “Spursat”. Blutë e Londrës u treguan më të shpejtë në atë periudhë, por duket se ekipi i Mourinhos po mendon të rrëmbejë falas lojtarin.
Sulmuesit të krahut i përfundon kontrata në verë dhe deri tani nuk ka diskutime për rinovim. Lampard e do në skuadër, por drejtuesit kanë vendosur ta largojnë futbollistin. Willian nga krahu tjetër është i hapur për ndonjë eksperiencë të re dhe Tottenhami mund të jetë ekipi i duhur për të.