“Mu duk sikur po luaja për herë të parë me Kombëtaren!”

12 Tetor 2021
23:52
Telesport

Një ndër lojtarët më të dobët në fushën e lojës për Shqipërinë ishte padyshim Elseid Hysaj, nga i cili lindi edhe goli i Polonisë, për një gabim që humbi topin dhe më pas në mbulim brenda zone…

Në prononcimin pas ndeshjes, mbrojtësi i Kombëtares shqiptare, ndër të tjera u shpreh:

“Më vjen shumë keq, ishte një ambient që e kisha harruar prej 1 vit e gjysëm. Një emocion sikur po luaja për herë të parë me Kombëtarët.

Më vjen shumë keq për tifozët që ishin këtu dhe na mbështetën deri në fund. Na mungoi guximi, duhet të provonim më tepër.

Kur ke më shumë raste mundësitë për të shënuar janë të mëdha. Për sa i përket skemës janë gjëra që i di trajneri, të shikojmë në të ardhme çfarë do të ndodhë.

Ishte dhë meritë e kundërshtarit te goli. Duhet të rritemi. Duhet të jem akoma më i rritur dhe më i fortë më shumë. Radhës tjetër do jemi më te përqëndruar”.

Mbi ndërprerjen e ndeshjes: “Gjyqtari na tha që duhet të hyjmë brenda, unë isha duke menduar për golin.

Në qoftë se nuk futeshim të gjithë brenda, rrezikohej zhvillimi i ndeshjes. Ndodhi për shkak të shisheve të hedhura në fushë. Thanë që cënohej siguria”, u shpreh Hysaj për mikrofonin e “RTSH”.

Lajme të tjera

Lajmet e fundit