Bayern Munich ka marrë një tjetër fitore bindëse kundër Barcelona-s në Champions League.
Mes protagonistëve të sfidës së luajtur mbrëmjen e së martës në Camp Nou ka qenë edhe Thomas Muller, i cili shënon gjithmonë kundër katalanasve.
Siç ka zbuluar Opta, ylli i Bayern është lojtari që ka shënuar më shumë gola kundër Barçës në kompeticionet europiane. Janë plot shtatë golat e shënuar nga Muller në vetëm gjashtë ndeshje.
Skuadra e Nagelsmann, me fitoren në Camp Nou, ka marrë tri pikët e para të grupit të Champions League. Sfida tjetër e këtij grupi, ajo mes Dinamo Kiev dhe Benfica është mbyllur 0-0.