Myrto Uzuni fiton derbin kuqezi me Vedat Muriqin. Granada triumfoi 3-2 përballë Mallorcas, ku një nga golat e vendësve, atë të 3-1, e realizoi Uzuni nga pika e bardhë e penalltisë.
Të njëjtën mundësi e pati edhe Muriqi në pjesën e parë, por gaboi duke goditur shtyllën. Ishte hera e dytë që “Pirati” dështonte nga 11-metra largësi në këtë fillim sezoni.
FALLÓ MURIQI EL PENALTI.
pic.twitter.com/MFqrxEvm8y— * (@Spertsyann) August 26, 2023
Zhbllokohet që në minutën e 13-të derbi i shqiptarëve (Uzuni-Muriqi) në kuadër të javës së tretë të La Liga-s.
Vendësit kaluan në epërsi falë golit të shënuar nga Miguel Rubio, që shfrytëzoi në maksimum krosimin e veteranit Callejon nga e djathta e sulmit.
Festë për skuadrën andaluze, ku luan sulmuesi beratas, trishtim për ishullorët, që shpresojnë te cilësitë e sulmuesit “dardan” për të marrë pikë në këtë transfertë.
