Nainggolan para Cagliari-Inter: Po të isha në vend të tij, nuk do të luaja

15 Maj 2022
12:33
Denis Hakanaj
back button

Milan dhe Inter janë garë për titullin në Serinë A. Kuqezinjtë kryesojnë renditjen me një avantazh prej dy pikësh ndaj kushërinjve zikaltër dhe lufta mund të vendoset ditën e sotme.

Djalli do të presë në San Siro Atalanta-n në orën 18 për javën e 37-të të Serisë A, ndërsa zikaltrit do të luajnë në orën 20:45 në fushën e Cagliari-t.

Radja Nainggolan, ish-lojtar i Inter-it dhe Cagliari-t, ka folur në prag të përballjes me zikaltrit në një intervistë të dhënë për Gazzetta dello Sport, duke i dhënë një mesazh Nicolo Barella-s, lojtar i transferuar nga ekipi sard te milanezët para tre vitesh.

“Nuk e di çfarë do të bëja në vendin e tij, ndoshta nuk do ta kisha luajtur ndeshjen sepse kështu është më e lehtë”, ka thënë Nainggolan.

“E njoh Niciolo dhe edi sa e do Cagliari-n, por duhet të bësh ounën tënde dhe të kërkosh titullin. Nuk do ta ketë aspak të lehtë”.

Cagliari është në luftë për mbijetesë dhe një humbje mbrëmjen e sotme kundër Inter-it mund t’i kushtojë rënien në kategorinë e dytë të futbollit italian.

Lajme të tjera

Lajmet e fundit