Dikur shumë pranë transferimit te Milani, sot pranë Napolit. Bëhet fjalë për Everton Soares, sulmuesi i krahut te Gremio, që tashmë ka përfunduar në radarët e Gattusos dhe De Laurentiis, por vlera e tij duket se nuk ka pësuar asnjë ndryshim.
Futbollisti brazilian ka gjetur akordin me klubin italian dhe është i lumtur që do të transferohej aty, duke marrë kështu vendin e Lozanos, që do të shitet gjatë verës. Por, pengesa quhet Gremio, që ka kërkuar 30 mln euro, të cilat konsiderohen shumë për një futbollist që këtë vit nuk është se ka bërë diferencën.