Nata speciale e Akrour: futet 48 vjeç në fushë kundër Lyon-it dhe shkruan historinë

21 Janar 2023
21:00
Denis Hakanaj
back button

Lyon-i nuk pati shumë probleme këtë mbrëmje në Kupën e Francës. Skuadra e drejtuar nga Blanc arriti të mposhtë shumë lehtë Chambery-n, një skuadër që luan në Championnat National 3, apo divizionin e pestë francez.

3-0 i parë në fushë nuk la shumë dyshime dhe ishte shumë e parashikueshme në prag që Lyon-i të merrte lehtësisht fitoren. Tregolëshi i Lacazette shënoi një mbrëmje të veçantë për lojtarin, i cili megjithatë u la pjesërisht në hije nga një lojtar tjetër.

Pikërisht një sulmues që nuk luan për Lyon, por për Chambery. Jo vetëm duke qenë se është lojtari më i vjetër aktiv në futbollin profesionist francez: Nassim Akrour. Është një sulmues algjerian që tregon qartë datëlindjen në kartën e tij të identitetit: 10 korrik 1974.

Me pak fjalë, Akrour është 48 vjeç dhe hyrja e tij në fushë bëri historinë e futbollit francez. Lojtari ka luajtur tashmë dy ndeshje në Kupën e Francës, por askush në moshën e tij nuk kishte luajtur ndonjëherë në raundin e 1/16-ave.

Në të vërtetë, ka qenë André Simonyi që iu afrua në 46 vjeç e 315 ditë, ndërsa Akrour luajti duke shënuar këtë rekord të vogël në 48 vjeç e 195 ditë.

Një lojtar që ka veshur fanella të rëndësishme si Le Havre, Grenoble dhe Troyes në karrierën e tij dhe që aktualisht po përjeton një lloj rinie të dytë.

Kundër Lyoni-t ai u fut në fushë në minutën e 63-të duke treguar përkushtim dhe këmbëngulje të madhe për të arritur më të mirën nga pjesa tjetër e 21 lojtarëve në fushë: të gjithë më të rinj se ai.

“Për sa kohë që po argëtohem në fushë, dua të vazhdoj”, tha ai para ndeshjes. Skena më kurioze e hyrjes së tij në fushë ishte gjesti i bërë nga 19-vjeçari Ryan Cherki.

Lojtari i Lyon-it, sapo pa Akrour të futej në fushë, nuk ka ngurruar të shkojë ta përshëndesë për të treguar respektin e tij. Dhe nuk ishte e vetmja.

Kjo është arsyeja pse për të ishte vërtet një mbrëmje e veçantë, sikur të ishte kthyer pas në kohë. Ai ka shkëlqyer kryesisht në Ligue 2 ku shënoi gati 100 gola.

Lajme të tjera

Lajmet e fundit