Pasi është zhbllokuar pas gjashtë ndeshjeve radhazi pa gol, edhe pse ende ka shënuar vetëm 4 gola (tre me penallti), sulmuesi i Milanit, Piatek, për “Sky Sport”, bën premtimin: “Mund të shënoj aq sa sezonin e shkuar”. Pra, 18 në kampionat. “Tani ndihem mirë fizikisht dhe mund të jap maksimumin”.

“Në fillim të sezonit kisha probleme, ndihesha pa energji, shumë i rëndë në trup. Mendoj se me Bolognan ndryshoi gjithçka: arrita të ndihmoja skuadrën, luftoja dhe rikuperoja topa. Ky është Piatek i vërtetë. Mund të shënoj 6 apo 7 gola radhazi nëse ndihem mirë si tani. Dua të shënoj dy gola ndaj Sassuolos dhe të ndihmoj skuadrën e gëzoj tifozët për festën e 120 vjetorit”.

“Pioli po jep më të mirën dhe na ka përmirësuar. Merkato? Jam te Milani dhe dua të jap 100%”.