Në një intervistë për portalin online “The Athletic” dhe “Süddeutsche Zeitung”, ai ka kritikuar ashpër bosët e Bayernit! Për shkarkimin e trajnerit të portierëve Toni Tapalovic (42), ai thotë: “Ishte një goditje për mua – kur isha tashmë në tokë. Ndjeva sikur më shqyen zemrën.

Kjo ishte gjëja më brutale që kam përjetuar në karrierën time. Dhe tashmë kam përjetuar shume gjera…”.  Shkarkimi i të besuarit dhe njeriut të tij më të mirë ishte edhe më i keq për të se situata e vitit 2011, kur Bayern Ultras nuk e donin angazhimin e tij.

“Por ajo që ndodhi tani është në një nivel krejtësisht tjetër. Të gjithë në skuadrën tonë të portierëve u copëtuan. Njerëzit shpërthyen në lot” Për të, shkarkimi i Tapalovic ishte i pakuptueshëm.

Neuer: “Nuk kishte asnjë arsye që mund ta kuptoja. Janë thënë gjëra me të cilat nuk jam dakord. Asgjë që kam dëgjuar nuk e ka përjashtuar mundësinë e bisedës dhe zgjidhjes së gjërave…”.

Ai madje shpjegon: “Kam menduar për gjithçka të mundshme, duke përfshirë të ardhmen time në klub”. Kontrata e tij me Bayernin është deri në verën e vitit 2024. A e lëndoi qëllimisht Bayerni duke e përjashtuar Tapalovicin? “Njerëzit përgjegjës te Bayern më kanë siguruar se nuk është kështu. Thashë se nuk pajtohesha me arsyet e dhëna dhe ndjeva se më dëgjuan.”