Manchester City, skuadra angleze e futbollit që është në prag të fitimit të Premier League për herë të tretë në katër sezone, është përfshirë në një betejë të fshehtë ligjore me Ligën sa i përket përputhjes me rregullat financiare duke qenë se klubi u rrit për t’u bërë një nga forcat dominuese të sportit…

Premier League ka qenë e zhurmshme që kur konfirmoi në 2019 që po shikonte financat e City disa muaj pasi e përjavshmja gjermane e lajmeve Der Spiegel, duke cituar informacionin e brendshëm të klubit, tha se klubi kishte maskuar investimet e drejtpërdrejta nga pronari i saj, Sheikh Mansour, si të ardhura nga sponsorizimi.

“Qytetarët” gjithmonë kanë insistuar se nuk kanë thyer ndonjë rregullore dhe ka denoncuar dokumentet e vjedhura si “materiale jashtë kontekstit” që u botuan si pjesë e një “përpjekje të organizuar dhe të qartë për të dëmtuar reputacionin e klubit”.

City ka shpenzuar miliona dollarë duke u mbrojtur që kur u shfaqën akuzat. Avokatët e saj po luftojnë kundër procesit të arbitrazhit të ligës, duke argumentuar se klubi nuk do të marrë një seancë të drejtë, sipas dokumenteve.

City dhe Liga nuk iu përgjigjënnjë kërkese për koment.

City po sfidon Premier League në gjykatat civile të Britanisë, ku seancat janë mbajtur me dyer të mbyllura dhe ku publikimi i materialit në lidhje me çështjen është mbajtur konfidencial pavarësisht nga interesi i madh publik për çështjen.

Nuk dihet se çfarë veprimesh do të merrte Premier League nëse do të gjente City-n fajtor në shkeljen e rregullave të saj.

Dënimet në nenet e posaçme përfshijnë heqje pikësh deri zbritje në kategori.

Manchester City, i mbështetur nga vëllai miliarder i princit të kurorës së Abu Dhabi, një nga njerëzit më të pasur në botë, zhvilloi një betejë të suksesshme në 2020 kur fitoi një apel kundër një ndalimi dy-vjeçar nga Champions League pasi u zbulua se kishte shkelur rregullat e veçanta të kontrollit të kostos nga organi drejtues evropian i futbollit UEFA.

City fitoi çështjen në Gjykatën e Arbitrazhit me qendër në Zvicër pasi i bindi gjykatësit se kishte kaluar një afat kohor në provat kundër tij.

Rregullat e Premier League nuk kanë afate të ngjashme, në fakt, ndaj edhe do të vazhdojë hetimi dhe dënimi mund të aplikohet.

Për të bërë një farë krahasimi: në Itali, pas shpërthimit të Calciopoli-t edhe Interi rrezikoi por dokumentet dhe aktakuzat ishin parashtruar dhe mbyllur ndaj në distancë kohore bëhej e vështirë që të hapej hetim me penalizim dhe dënim.

City kërkon vetëm një fitore për të qenë i sigurt për fitimin e kampionatit anglez. Gjithashtu luhet edhe për Champions League.

Beteja e City kundër Premier League mban shenjat dalluese të qasjes së tij në çështjen UEFA. Para se të gjente shpëtimin përmes një teknike në rregullat që përcaktonin një afat kohor pesë vjet për shkeljet e përshtatshme për dënim, klubi u përpoq që çështja të hidhej jashtë në CAS para se UEFA madje të kishte vendosur.