Newcatle fundos Chelsea-n dhe “kërcënon” Manchester City-n: Broja titullar (Pamjet)

12 Nëntor 2022
20:39
Denis Hakanaj
back button

Necastle duket se e ka seriozisht. Klubi i sheikëve ka marrë një tjetër fitore me peshë në javën e 16-të të Premier League pasi ka mundur 1-0 në shtëpi ekipin e Chelsea-t.

Armando Broja me shokë kanë pësuar humbjen e tretë radhazi në kampionat dhe tani kanë rënë në vendin e tetë të renditje me 21 pikë, shumë larg kreut të klaifikimit dhe zonës europiane.

NEWCASTLE-CHELSEA – VIDEO

Ylli kuqezi ka qenë titullar sot, por nuk ka arritur t’i ndihmojë Blutë të marrin një rezultat pozitiv me ndeshjen e luajtur në St. James Park që është vendosur në pjesën e dytë nga një gol i Willock.

Bardhezinjtë kanë parakaluar Tottenham-in dhe janë ngjitur në vendin e tretë të renditjes duke shkuar vetëm dy pikë larg Manchester City-t të vendit të dytë pas humbjes befasuese të pësuar nga Qytetarët kundër Brentford-it.

Newcastle është skuadra që ka regjistruar numrin më të madh të ndeshjeve (7) pa pësuar gola në këtë sezon të Premier League dhe, bashkë me Arsenal-in, është ekipi që ka pësuar më pak gola në këtë kampionat (11).

Lajme të tjera

Lajmet e fundit