Neymar “thyen” Facebook, braziliani trajtohet ndryshe nga përdoruesit e tjerë

15 Shtator 2021
12:29
Alfred Lleshi

Jo të gjithë përdoruesit trajtohen njësoj nga Facebook. Me sa duket personazhet më të famshëm (ata me më shumë ndjekës, për të qenë të qartë) kanë një “rregull tjetër” nga ky rrjet i madh social. Sipas një sondazhi të “Wall Street Journal”, VIP-at në Facebook (pothuajse 6 milionë në total) përfshihen në një listë të bardhë, që kanë rregulla të ndryshme moderimi nga të gjithë përdoruesit e tjerë, që e përdorin rrjetin social në fjalë.

Sipas gazetës, gjatë vitit 2020, softueri që menaxhon postimet e VIP-ave ka lejuar 16 miliardë shikime të përmbajtjes, që do të hiqeshin më vonë. Midis këtyre rasteve të spikatura është ai i futbollistit brazilian të PSG-së, Neymar (një nga më të ndjekurit në Facebook), i cili publikoi foton nudo të një gruaje që e kishte akuzuar për ngacmim seksual. Një përmbajtje që normalisht bllokohet menjëherë, por në këtë rast është lejuar. Imazhi është parë gati 60 milionë herë para se të hiqej.

Lajme të tjera

Lajmet e fundit