Pas Aaron Ramsey nga Arsenali, lojtari i ardhshëm i lirë (me parametra zero) që pritet t’i bashkohet Juventusit për sezonin e ardhshëm është Adrien Rabiot. Mesfushori francez e përfundon kontratën me PSG në fund të këtij muaji. Me transferime të tilla, "Zonja e Vjetër" është mësuar, ka spikatur në Europë, çka e dëshmon qartë edhe lista e mëposhtme. Në të janë emra mbresëlënës, që kanë “rilindur” të bardhezinjtë, ose e kanë disafishuar vlerën e tyre në merkato. Një listë e mrekullueshme lojtarësh të lirë, që mund të përfshijë edhe emra të tjerë, ndaj nuk po e quajmë të plotë…