Sezoni 2022-2023 u mbyll në mënyrën më të keqe për skuadrën e Borussia Dortmund, që humbi titullin kampion në Bundesliga në minutat e fundit. Ngushëllimi i vetëm për ekipin e Dortmund është trofeu e lojtarit më të mirë të Bundesligës, që e fitoi Jude Bellingham, që mori çmimin MVP.
Një vlerësim i rëndësishëm për mesfushorin 20-vjeçar britanik, që këtë sezon realizoi 8 gola e 5 asist në 31 ndeshje të kampionatit. Ai ishte një lider për Borussia këtë sezon, ndërkohë që së shpejti pritet të zyrtarizohet transferimi i tij te skuadra e Real Madrid.
Në garën për trofeun MVP të sezonit në Bundesliga, Bellingam mundi lojtarin e Bayern Mynih, Jamal Musiala, që shënoi golin vendimtar për bavarezët këtë sezon. talenti gjerman e mbylli sezonin me 12 gola e 13 asist.
