Aventura e Interit në Ligën e Kampionëve fillon sonte në “San Siro”, me një ndeshje potencialisht vendimtare për kualifikim. Zikaltrit presin Borussia Mönchengladbach, një ekip që është kandidat për të qenë surpriza e një grupi që, në letër, duket se ka shkruar tashmë hierarki: Interi dhe Real Madridi përpara, gjermanët dhe Shakhtar Donetsk prapa. Sidoqoftë, gjermanët, si ukrainasit, kanë të gjithë synimin të përpiqen të prishin parashikimet.
Të besuarit e Contes vijnë nga një humbje e hidhur në derbin kundër Milanit, “nokaut” i parë i një sezoni të ngjeshur, pa asnjë mundësi për të menduar gabimet. Duhet filluar menjëherë të ngrihesh dhe të vraposh përsëri, kjo është e domosdoshme, me kalendarin që nuk lë vend për reflektime. Për pushime të ndonjë lojtari, po. Interi është i detyruar të përdorë rotacionin. Kjo është ajo që tekniku apulian po mendon.
Lëvizja e parë mund të lidhet me partnerin e Romelu Lukakut. Lautaro nuk shkëlqeu në derbi, ndërsa Sánchez ka gjasa të rifitojë vendin e tij përkrah belgut. Pas ish-dyshes së Manchester United, hapësirë për Christian Eriksen, favorit për këtë rol. Conte mund ta rikthejë Barella afër Vidalit në mesfushë, me danezin për të frymëzuar si “trekuartist”.
Në hapësirën e jashtme, Hakimi në të djathtë, ndërsa në të majtë pozicioni i Perisic është në dyshim. Rritet kandidatura e Darmian, i cili do të bënte debutimin e tij sezonal. Conte do të donte më shumë mbulim nga ana e Kolarov, i cili shpesh vihet në vështirësi në daljet para. Ish-lojtari i Parmës do të garantonte një qëndrueshmëri më të madhe se kroati.
Treshja e mbrojtjes nuk do të ndryshojë, gjithashtu sepse Bastoni sapo është kthyer nga Covid-19 dhe nuk është ende në gjendje (“ai nuk mund të shërohet brenda një dite”, – tha Conte në një konferencë shtypi). Përpara Handanovic do të jenë D’Ambrosio, De Vrij dhe Kolarov. Në listën e të rinjve të padisponueshëm, Gagliardini, Radu dhe Skriniar, të gjithë po luftojnë me Covid-19.
Ja formacionet e mundshme:
INTER (3-5-2): Handanovic; D’Ambrosio, de Vrij, Kolarov; Hakimi, Barella, Vidal, Darmian; Eriksen; Sanchez, Lukaku. Trajner. Conte
BORUSSIA MÖNCHENGLADBACH (3-4-1-2): Sommer; Ginter, Elvedi, Bensebaini; Lainer, Kramer, Neuhaus, Wendt; Hofmann; Thuram, Pléa. Trajner: Rose
