Nuk ka qetësi për tifozët e Juventusit që u zemëruan për shkak të një postimi në Twitter të publikuar nga Lega Serie A.

Pas ditës së parafundit janë përcaktuar edhe formacionet që do ta mbyllin kampionatin në katër vendet e para të renditjes, konkretisht Napoli, Lazio, Inter dhe Milan.

Profili i Lega Serie A në Twitter u bëri komplimentet katër skuadrave, duke zemëruar tifozët e Juventusit.

Arsyeja është e thjeshtë: pa penalizim, klubi i Juventusit do të ishte në vendin e tretë me 69 pikë në renditje, me një avantazh prej dy pikësh ndaj Milanit.

Nuk kanë munguar komentet negative nga juventinët, të cilët janë të demoralizuar pas humbjeve të fundit ndaj Sevillas, Empolit dhe Milanit.