NASA ka ftuar basketbollistin e Golden State Warriors, Stephen Curry, që të vizitojë laboratorët e saj hënorë në “Johnson Space Center” në Houston, pas deklaratës që ylli i NBA-së ka bërë sot gjatë një emisioni televiziv, ku vinte në dyshim faktin që njeriu ka shkelur në hënë. Gjatë një emisioni televiziv, ku marrin pjesë me deklaratat e tyre disa nga yjet e NBA-së, pyetjes “A kemi qenë ndonjëherë në hënë”, Curry i është përgjigjur: “Jo. Mendoj se do të vijnë ata të na marrin. Gjithsesi, unë mendoj që JO, nuk kemi qenë ndonjëherë”, thotë Stephen Curry.

I menjëhershëm reagimi i NASA, që ka përfituar nga rasti për të ftuar kampionin e NBA-së që të shohë gjithçka me sytë e tij dhe të mësojë të vërtetën. “Ka shumë dyshime në lidhje me faktin që në vitet 1969-1972, ne kemi çuar 12 astronautë në hënë. Do ta na pëlqente që Curry të bënte një vizitë në laboratorin tonë në Houston, kur skuadra e Golden State të luajë në këtë qytet herën tjetër. Kur të jetë këtu do të shohë më sytë e tij gurët hënorë, anijen kozmike që u ul aty (Apollo). Do të mësojë edhe të rejat në lidhje me udhëtimin e radhës aty”, tha Allard Beutel, zëghënësi i NASA-s.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.