Wesley Fofana ka ‘qëllim’ të largohet nga Leicester për në Chelsea, pavarësisht se i është thënë nga Brendan Rodgers se ai nuk është në shitje, sipas raporteve. Blutë e kanë kthyer vëmendjen te ylli i Francës U21, pasi humbën Jules Kounde.
Chelsea ka bërë të paktën disa oferta për Fofanën, e cila nënshkroi një kontratë të re pesëvjeçare me Leicester në mars. Propozimi i fundit besohet të jetë mbi 70 milionë funte duke përfshirë shtesat.
Leicester as nuk do të hyjë në negociata nëse nuk marrin një ofertë mbi 80 milionë funte. Ata insistojnë që Fofana të qëndrojë në klub edhe përtej afatit kalimtar. 21-vjeçari tërhoqi vëmendjen e klubeve më të mira evropiane me paraqitjet e tij për Foxes përpara se të thyente këmbën 12 muaj më parë.
Ai u kthye në mars dhe luajti pjesën e mbetur të fushatës. Megjithatë, CBS Sports pretendon se Fofana ka ‘qëllim’ të largohet dhe se do te beje cmos qe kjo te ndodhe per te shkuar te Chelsea, qe sot zyrtarizoi Cucurella nga Brighton.
“Wesley Fofana dhe James Maddison nuk janë në shitje. Këta janë lojtarë shumë të rëndësishëm për ne. Jemi në një situatë ku duhet të largojmë disa lojtarë, por kjo nuk do të thotë të heqim qafe askënd, asetet tona më të mira”… ishte komenti i Rodgers.
