Pas një Champions-i mbresëlënës deri në finale, Fernando Llorente u përshëndet me Tottenham. E ardhmja e tij mund të lidhet me një rikthim në të kaluarën, duke pasur parasysh që në Seria A shanset për të gjetur ekip nuk mungojnë. Kohët e fundit u përfol Fiorentina dhe Interi, por sulmuesi spanjoll duket se i është ofruar edhe Romës. “Corriere dello Sport” e zbulon këtë, por shpjegon se angazhimi eventual i Llorente me kryeqytetasit është në vartësi të shitjes së Schick.

34-vjeçari iberik, që veshi fanellën e Juventusit nga viti 2013 deri më 2015, në idetë e verdhekuqve do të ishte “pyka” e përsosur për formacionin kryesor. Saktësisht, në rolin aktual të Schick, i cili nuk e bind trajnerin Fonseca, ndaj mund të shitet për ndonjë propozimi të favorshëm (gjurmët e Leverkusen dhe Borussia Dortmund mbeten të gjalla).

Të gjithë presin të kuptojnë se çfarë do të bëhet me Dzeko, gjithmonë në planet e Interit, por e ardhmja e tij mbetet të deshifrohet. Ndërkohë, Roma i mban të gjalla profilet e identifikuara për ta zëvendësuar atë. Duke pasur parasysh dëshirën e Higuain për të qëndruar te Juve, kryeqytetasit po punojnë me këmbëngulje për Mariano Diaz (Real Madrid). Nga “Los Blancos” mund të vijë edhe Nacho, nëse bie poshtë pista Alderweireld.

Nuk është Higuain, ish-sulmuesi i Juves i ofrohet Romës

03 Gusht 2019

10:57

Lajmet e fundit

Duke marrë artikujt

Lajme nga Roma

Duke marrë artikujt

Lajme të tjera

Lajmet e fundit