“Nuk jam i kënaqur, skuadra nuk ka vazhdimësi, nuk është gjithmonë e përqendruar. Jam i shqetësuar me të drejtë. Megjithatë, jam i bindur se do ta zgjidhim këtë situatë”.
Carlo Ancelotti është treguar i sinqertë në konferencë për shtyp në prag të ndeshjes së kampionatit kundër Getafe-s, në lidhje me ecurinë e Real Madrid në Champions League.
“Kam pasur vetëm një vit të lehtë, atë të kaluarin. Në të gjithë vitet e tjerë më është dashur të zgjidh probleme. Është më mirë ta gjesh problemin në nëntor ose dhjetor se në prill ose maj.
“Jam i bindur se do t’ia dalim, po luftojmë për La Liga-n. Ndër të tjera, po vuajmë nga dëmtimet, kundër Getafe-s kthehet Rodrygo, në ndeshjen tjetër do të kthehet Tchouameni, edhe Camavinga do të kthehet shpejt”.
