Pas rinovimit ‘përbindësh’ të Mbappe, PSG gjithashtu ka filluar të lëvizë në frontin e blerjeve. Goditja e parë mban emrin e Vitinha, mesfushori i lindur në vitin 2000, i marrë nga Porto për 40 milionë euro.
Klubi parizien ka njoftuar kështu, në profilin e tij në Twitter, nënshkrimin e talentit portugez: “Paris Saint-Germain është i kënaqur të njoftojë nënshkrimin e ndërkombëtarit portugez. Mesfushori i FC Porto ka nënshkruar një kontratë 5-vjeçare me klubin tonë. #WelcomeVitinha”.
Vitinha largohet nga Porto, klubi në të cilin ka luajtur që në moshën 11-vjeçare dhe ku ka qenë i përfshirë në të gjitha ekipet e të rinjve (përveç një sezoni në huazim te Padroense).
I ardhur në ekipin e parë në vitin 2020, pas një viti praktike në formacionin B, mesfushori portugez grumbullon 49 paraqitje dhe 3 gola, duke fituar 2 kampionate dhe 2 kupa kombëtare. Në mes edhe një eksperiencë në Angli, në radhët e Wolverhampton.
Një sfidë e re për Vitinha dhe një goditje e rëndësishme për PSG-në, në përputhje me atë që tha presidenti Al-Khelaifi pak javë më parë: “Ne nuk duam më emra të mëdhenj; është fundi i shkëlqimit që shkëlqen”.
Le Paris Saint-Germain est heureux d’annoncer la signature de l’international portugais @vitinha. ✍️
Le milieu de terrain du FC Porto a paraphé un contrat de 5 ans avec le club de la capitale. 🔴🔵#WelcomeVitinha
— Paris Saint-Germain (@PSG_inside) June 30, 2022