Menaxheri i njohur spanjoll Manuel Garcia Quilon ka ngritur dyshime në lidhje me planin e Barcelona-s për të blerë sulmuesin e Inter-it, Lautaro Martinez.
Barça dhe Inter kanë kohë që po negociojnë për argjentinasin, me zikaltrit që nuk heqin dorë nga kërkesa e tyre prej 111 milionë eurosh, që është edhe shuma e klauzolës për prishjen e parakohshme të kontratës së Demit me milanezët.
“Më duket e vështirë që Barcelona të investojë te Lautaro”, ka thënë Quilon. “Mendoj se Barça dhe Madrid nuk do të shpenzojnë shumë”.
“Mendoj se merkato e futbollit nuk do të ketë shumë blerje lojtarësh. Do të ketë më shumë huazime”.
Megjithatë, në fund, Quilon ka shtuar: “Do të ketë gjashtë operacione të mëdha”.