Chelsea dhe Policia Metropolitane po hetojnë një incident mbi një abuzim racial ndaj yllit të Manchester City, Raheem Sterling të pësuar gjatë ndeshjes së të shtunës në Premier League, të zhvilluar në “Stamford Bridge” ndaj Chelseas, përfunduar me fitoren e Bluve në shifrat 2-0. Përdoruesit e “Twitter” kanë evidentuar incidentin e ndodhur gjatë pjesës së parë, kur një tifoz i Chelseas u duk të abuzonte Sterling, ndërkohë që ky i fundit tentoi të marrë topin nga pas vijës fundore.

Një zëdhënës i Chelseas deklaroi: “Jemi në dijeni të raportimeve dhe të pamjeve filmike. Ne do të hetojmë këtë çështje dhe do të ndërmarrim masat më të drastike nëse do të jetë e nevojshme”. Ndërkohë policia metropolitan tha: “Kemi informacion se një video po qarkullon online, ku evidentohet abuzim racial ndaj një futbollisti në ndeshjen Chelsea v Manchester City gjatë ndeshjes së të shtunës në “Stamford Bridge”. Do të shohim pamjet filmike për të përcaktuar nëse ekzistojnë kushtet e abuzimit racial. Ndërkohë konfirmohet se deri tani nuk është bërë asnjë arrestim”.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.