Cengiz Under ka firmosur zyrtarisht një kontratë të re deri në vitin 2023 me Romën. Lajmi erdhi vetëm disa orë pasi lajmëroi rinovimin e mesfushorit Nicolo Zaniolo.
“Me këtë qytet, tifozë dhe klub unë dashurohem çdo ditë e më shumë. Ky është një moment shumë i lumtur për mua,” shprehet Cengiz për faqen zyrtare të Romës.
“Dua të falënderoj klubin që më plotësoi dëshirën për të vazhduar të luaj këtu te AS Roma.”
Sulmuesi anësor u ble për 14 milionë euro dy vite më parë dhe ka shënuar 14 gola në 65 paraqitje. Ai u përfol për një largim këtë verë teksa Everton dhe sidomos Bayern Munich kishte shfaqur interes për të.