Lajmet më të fundit nga skena e merkatos njoftojnë për një ofertë fraonike të mbërritur në adresë të Bojan Krkic. Pasi shëtiti të gjithë Europën, mes Spanjës, Italisë, Holandës, Anglisë dhe Gjermanisë, karriera e Bojan Krkic mund të vijojë tashmë përtej oqeanit, pikërisht në Shtetet e Bashkuara të Amerikës.
Referuar raportimeve të orëve të fundit nga tabloidi britanik “The Sun”, në fakt, klubi i MLS në SHBA, New England Revolution ka paraqitur një ofertë stratosferike si për vetë sulmuesin, ish-futbollist ndër të tjera edhe i Barcelonës, Romës e Milan, gjithashtu edhe në adresë të vetë klubit që zotëron aktualisht futbollistin, Stoke City.
Në këto orë, sulmuesi 29-vjeçar ka marrë disa orë reflektimi, për të vendosur nëse do të pranojë sfidën nga MLS, ndërkohë që shifrat, edhe pse konfirmohet të jenë faraonike, mbeten gjithsesi “Top Secret”.