Steve Kerr, trajneri i skuadrës së Golden State Warriors, nënkampione e NBA-së, u shpreh se për të dhe ekipin e tij sezoni i ri 2019-2020 ka për të qenë i vështirë. “Pa Kevin Durant dhe Klay Thompson ka për të qenë një sezon i vështirë. Na duhet të përshtatemi”, tha Kerr.

Duket se Warriors nuk do të jenë më protagonistë në NBA dhe Perëndim: “Kemi humbur edhe Shaun dhe Andre, që ndikojnë shumë dhe na duhet të modifikojmë shumë lojën tonë. Sidomos mungesa e Klay është e rëndësishme”, tha Steve Kerr.

Trajneri do të mbështetet vetëm te Stephen Curry dhe te të rinjtë deri sa të rikthehet Thompson, i dëmtuar. “Curry do të jetë lideri dhe duhet të kuptojë se do ta ketë të vështirë, por edhe do të ndihmojë të rinjtë. Llogaritë do të bëhet në fund”, tha Kerr.