Momente paniku për çiklistin britanik Mark Cavendish, që në turneun e Gand është rrëzuar gjatë një gare. Sipas mjekëve, ai ka pësuar fraktura në dy brinjë dhe një pneumotorace (rënia e pjesshme e një prej mushkërive).
Ai e ka kaluar natën e djeshme në terapinë intensive në spital, por nuk ka asgjë serioze për jetën e tij. Kjo ishte një masë paraprake nga ana e mjekëve për të mbajtur nën kontroll çiklistin e njohur, që në karrierë ka fituar 32 etapa të Turit të Francës.
Een spectaculaire valpartij op de slotdag van de #Zesdaagse. Hansen en Cavendish komen gelukkig met de schrik vrij. pic.twitter.com/djShiiR3Km
— sporza (@sporza) November 21, 2021
Madje Cavendiosh pritet të dalë brenda 48 orësh nga spitali, për të vijuar më pas trajtimin në shtëpi, ku do të jenë nën mbikqyrjen e stafit mjekësor. Incidenti ndodhi në Belgjikë dhe Cavendish ishte me shpejtësi maksimale kur u rrëzua.
Kampioni olimpik Lasse Hansen u rrëzua pak metra para tij dhe britaniku nuk mund ta evitonte kontaktin, duke u përplasur me biçikletën e danezit dhe fluturoi në ajër e u rrëzua në pistë. Ndihma mjekësore ishte e menjëhershme. Ai u largua nga impanti me barrelë.
