Nuk kishte asnjë reagim ndaj mosthirrjes në ndeshjen e Ligës së Europës. Megjithatë, gjendja shpirtërore e tij raportohet se po përkeqësohet. Lucas Paquetà është gjithnjë e më shumë një “mish i huaj” në këtë Milan të ri dhe ambicioz, që tani ka braktisur misionin e rikuperimit, duke iu përkushtuar vetes ekskluzivisht në kërkim të një vendi në formacionin e trajnerit Pioli. Nga ana tjetër, klubi kuqezi e mirëpret shitjen e tij, që mund të bëhet vetëm në kushte të caktuara ekonomike, pasi shuma për ta marrë nga Flamengo në janar 2019 ka arritur në 38 milionë euro. Le të themi se “Djalli” duhet të mbledhë jo më pak se 23 milionë euro prej brazilianit.
HAPAT – Megjithëse Lucas vjen nga një periudhë e gjatë mjegullimi, nga e cila nuk ka qenë në gjendje të shërohet, merkatoja nuk ndalet aspak. Përkundrazi, Lyon konfirmohet si një klub i interesuar vendosmërisht (siç dihet, Paquetà gëzon një vlerësim të madh nga Juninho, drejtor sportiv te francezët), por kushtëzohet nga disa ndryshime në merkato, i fundit i të cilëve është blerja e mundshme nga Rennes e Reine-Adelaide, i vlerësuar nga Lyon për 30 milionë euro. Nëse ato para mbërrijnë, atëherë sulmi ndaj Paqueta do të nisë. Kështu që një situatë pritjeje për klubin francez, Valencia po përpiqet të futet me forcë në “ankand”. Gjithashtu, në këtë rast, një interes i minutës së fundit ka ardhur në formën e shkëmbimit me Kondogbia. Një zgjidhje që, megjithatë, nuk e ngroh Milanin. Spanjollët do ta riformulojnë ofertën pa marrë parasysh homologët teknikë. Prandaj, Valencia futet në objektivin e Lyon, duke i dhënë jetë një “ankandi” të vogël që padyshim nuk mund të mos i pëlqejë “Djallit”.
DIALOGU – Falë parave të Paquetà, në fakt, kuqezinjtë mund të përpiqeshin të garonin për Milenkovic. Një forcë e re në qendër të mbrojtjes është nevoja kryesore për momentin te Milani, pasi udhëtimi në Dublin e theksoi këtë gjë. “Amnezia” e caktuar mbrojtëse, në një kampionat plot rivalitet dhe kur niveli në Europë do të rritet, mund të kushtojë shumë. Pastaj, natyrisht, mbetet boshllëku se sa e vlerëson Milani Milenkoviç dhe çmimin e vendosur nga Fiorentina. Jo një hendek i vogël: “Djalli” mendon për 20 milionë, vjollcët synojnë me vendosmëri mbi të 30-tat. Një dialog që, megjithatë, mund të marrë drejtime edhe më sugjestionuese. Në sfond, në fakt, emri i Chiesa mbetet ende në lojë, mbi të cilin nuk janë nisur negociata. Gjithsesi, ai do të mbetet midis opsioneve të kuqezinjve deri në fund të merkatos së verës. Ndërkohë, Paquetà vazhdon të stërvitet dhe, pasi qëndroi në shtëpi për Ligën e Europës, duhet të kthehet në skuadër të hënën, kundër Bologna.
